Ndhuk... Le...
Nek wes ngene opo ora kudu nangis karo nggloso nggloso ...
Ndhuk... Le...
Bakda iki kowe mulih ya....
Aku karo bapakmu wis suwe kangen...
APA WONG JOWO LEBARAN HARUS PULANG KAMPUNG ?
LAYANG KANGGO ANAK-ANAKKU
Ndhuk... Le...
Bakda iki kowe mulih ya....
Aku karo bapakmu wis suwe kangen...
Ndhuk... Le...
Putuku saiki wis isa ngapa?...
Wingi kowe ngirim potone liwat hapene tangga mburi omah...
Lemu ya...
Pipine kaya bakpau..
Cilikanmu kae ya kaya kuwi...
Aku pengin nggendhong anakmu Le...
Pengin dak jak mlaku neng dalan ndesa...
Ben wong ngerti, anak putuku ya mulih...
Ben wong ngerti yen anakku ora mung ngirim duwit thok, ning gelem niliki wong tuwane... Nadyan keadaane ya mung kaya ngene
Lee... Ndhuk...
Kowe suk bakda mantuka, dak dolke wedhus nggo sangu kowe yen balik neng perantauanmu... Gedhang satundun neng mburi omah kena nggo gawe kolak suk bakda...
Le... Ndhuk...
Aku pengin masakke kupat kowe...
Mbelih pitik nggo putuku...
Bakda 2 tahun iki, aku mung isa nyawang kupat neng meja Le...
Mung tangga-tangga cedhak sing gelem ngicipi...
aku ya arep nggoreng rengginang senenganmu
Ndhuk... Le...
Aku pengin dolanan neng latar karo anakmu sing gedhe...
Jagongan karo kowe neng emper omah... Jagongan karo mantuku...
mung pengin ngomong karo mantuku,
matur nuwun wis njaga anakku,
ngopeni putuku...
Ndhuk... Le...
Kangen tarwih karo kowe...
Mbiyen, pas kowe cilik, dak gendhong mangkat nyang masjid...
Kowe seneng nek entuk jaburan criping... Bagiyanku dak wenehke kowe karo adhimu...
Ndhuk... Le...
Malem takbir,
aku pengin nguripke oncor neng ngarep omah karo kowe...
Ndelok putu-putuku nguripke kembang api karo gegojegan...
Le... Ndhuk...
Bakda mulih ya...
Sadurunge Gusti Kang Murbeng Dumadi mundhut wong tuwamu iki...
Le.. Ndhuk..
Mantuk.. ya..
Terjawab sudah, kenapa lebaran harus pulang kampung
MUDIK BUKAN TRADISI,
TAPI KEWAJIBAN & KEBUTUHAN
Ada yang terusik nok njerone dodo...
Mung sampean kabeh ra nate ngerti,
mergo sampean ra nate ngumboro tlatah monco
Neruske Postingan Guruku
Pak. Bambang Sarjono
Inspirasi Gambar
